المكونات
فرخة بلدى بلدى تقريبا كيلو
اغسليها كويس اوى من جوة و برة بالليمون و الدقيق … و بصوبعك فتحى ما بين الجلد و اللحم لغاية الزور براحة عشان صوبعك متقطعش الجلد
ملحوظه
الفراخ البلدى بتطول فى السوى فتى فرصة للرز يستوى … لاكن لو فراخ بيضة او مجمدة تسوى الرز الأول 1/2 سواقبل ما تحشيها
كوباية متوسطة رز مصرى انقعيها ساعة فى مية بتغلى.ثم بعد كدا نصفى الرز من المية السخنة حطى علية بصلاية كبيرة متقطعة و ملح و فلفل وقرفه وجوزة الطيب ومعلقة سمنةومعلقه كاتشب وعصير ليمونه قلبيهم فى بعض كويس
أحشى الفرخة بقى من جوة و ما بين الجلد و اللحم لغاية الزور بس مش تكترى اوى بالرز عشان متفكش منك فى التسوية ثم اقفلى الفرخه بخله خشب ونغرزها بالشوكه فى كل الجوانب ثم نجهز حله على الناربها مية بتغلى فيها بصلايةوطماطم وجزر و حبان و ورق لورة و ملح و فلفل حطى الفرخة بقى و اقفلى عليها ربع ساعة على نار عالية ونص ساعة على نار هادية.بعد ما استوت طلعيها علطول من الشوربة وسبيها 10ق تنشف ثم و تحطيها فى صنية فرن و تدهنيها بصلصة عليها زيت و زعتر و ادهنى الفرخة كلها و دخليها الفرن تاخد لون تحت شوايه الفرن
مصدر هذا الموضوع : الفراخ المحشيه أرز
0 التعليقات:
إرسال تعليق